කියනු මැන?

නුතන ආදරය යනු ලංව සිටිම ද?

මතකය

මතක මං පෙත මලින් සැරසුන
සොඳුරු වස්සානේ
දුටුව සිහිනේ පුරා සිටියේ
ඔබයි සමනළියේ..
පැතුව පැතුමන් බොඳකරන්නට
ඇයිද නුඹ සිතුවේ
ආදරේ මහමෙරක් තුරුළු කර
මම තවමත් කඳු‍ළේ...


නැවුම් හැඟුමන් දෝරේ ගලායන
හිරිමල් යෞවනයේ
ආදරේ සුව සිහිනයයි එය
ඔබ තුලින් දුටුවේ...
ඇයිද යන්නේ එකම පාරේ
නාඳුනන විලසේ
එකම මොහොතක් හිනැහී යනවද
ඉස්සර දින වාගේ...


අමතක කෙරුවත් ඔබේ මතකයන්
නැහැ අමතක වෙන්නේ
දිය මතුපිට එන පෙණ බුබුළක් සේ
යලි මතකෙට එන්නේ...
මදහස ඔබමයි...කඳුළත් ඔබමයි
මගේ ජීවිතයේ
තිබෙන තුරාවට නුඹයි ආදරේ

මගේ ඡිවිතේ.......